గ్రహం అనుగ్రహం | రాశిఫలం | శంక‌ర‌మంచి శివ‌సాయి శ్రీనివాస్ | డా॥ శంకరమంచి రామకృష్ణ శాస్త్రి | Graham Anugraham | Rasifalam | eenadu | sankaramanchi ramakrishna sastry rasi phalalu weekly | GRANTHANIDHI | MOHANPUBLICATIONS | bhaktipustakalu

శంక‌ర‌మంచి శివ‌సాయి శ్రీనివాస్

8143123549

#మేషం మీ నిబద్ధతే మిమ్మల్ని ఉన్నతుల్ని చేస్తుంది. మీ పనితీరుకు ప్రశంసలు లభిస్తాయి. ఉద్యోగంలో మీ పై అధికారుల సహకారం ఉంటుంది. సొంత నిర్ణయాలు పనిచేస్తాయి.దుర్గాధ్యానం శుభప్రదం.

అదృష్టం వరిస్తుంది. ప్రయత్నాలు ఫలిస్తాయి. విందు, వినోద కార్యక్రమాల్లో పాల్గొంటారు. సమాజంలో మంచిపేరును సంపాదిస్తారు. మీ మంచితనమే మిమ్మల్ని రక్షిస్తుంది. ఒక వ్యవహారంలో ధనం చేతికి అందుతుంది. నూతన వస్తువులు కొనుగోలు చేస్తారు. భవిష్యత్ ప్రణాళికలను అమలు చేస్తారు. సొంతింటి పనుల్లో ముందంజ వేయగలుగుతారు. బంధుమిత్రులతో సంతోషంగా గడుపుతారు. ముఖ్య విషయాల్లో ఆత్మీయుల సలహాలు ఉపకరిస్తాయి. ఆరోగ్యం సహకరిస్తుంది. ప్రయాణ సౌఖ్యం ఉంది. ఇష్టదైవారాధన మంచినిస్తుంది.

#వృషభం మానసిక సౌఖ్యం ఉంది. కీలక విషయాల్లో నిర్మొహమాటంగా వ్యవహరించడం ఉత్తమం. శత్రువులపై మీదే పైచేయి అవుతుంది. ఆధ్యాత్మిక సంపదను పెంచండి. ప్రయాణాలు విజయవంతం అవుతాయి. శ్రీ వెంకటేశ్వర స్వామి సందర్శనం మంచిది.

మిశ్రమకాలం. మంచి ఆలోచనలతో ముందుకు సాగండి. విశేషమైన ఫలం దక్కుతుంది. శ్రమ పెరుగుతుంది. కీలక సమస్యను పరిష్కరించి శత్రువులపై విజయం సాధించగలుగుతారు. అడుగడుగునా ఆటంకాలు ఎదురవుతాయి. ఆత్మవిశ్వాసం తగ్గకుండా చూసుకోవాలి. అధికారులను మెప్పించడానికి బాగా కష్టపడాల్సి వస్తుంది. గందరగోల పరిస్థితుల నుండి బయట పడతారు. ఒక వ్యవహారంలో అపకీర్తి వచ్చే ఆస్కారముంది. శ్రీ విష్ణు సహస్రనామ పారాయణ శుభఫలితాన్నిస్తుంది.

   #మిథునం చేసే పనిలో ఆపదలు పెరుగుతాయి. అనవసర విషయాల్లో కలుగచేసుకోకండి. మిత్రుల సహకారం మరువలేనిదిగా ఉంటుంది. సుఖశాంతులు నెలకొంటాయి. ఆంజనేయ సందర్శనం శుభప్రదం.

చేపట్టిన కార్యాల్లో ఎన్ని ఆటంకాలు ఎదురైనా మనోధైర్యంతో అధికమించి అనుకున్నది సాధిస్తారు. మీ పనితీరుకు ప్రశంసలు లభిస్తాయి. బుద్ధిబలంతో గొప్ప ఫలితాలను సాధిస్తారు. ముఖ్యమైన విషయాల్లో అప్రమత్తంగా ఉండాలి. గుర్తెరగనివారితో జాగ్రత్తగా ఉండాలి. చాప కింద‌ నీరులాగా ఇబ్బందిపెట్టేవారున్నారు. ఒక వ్యవహారంలో అవమానాన్ని ఎదుర్కోవాల్సి రావచ్చు. ఆరోగ్యం ఫర్వాలేదనిపిస్తుంది. బంధుమిత్రుల ఆదరాభిమానాలుంటాయి. అనవసర విషయాలపై సమయాన్నివెచ్చించకండి. ప్రయాణాలు సహకరిస్తాయి. ఆదిత్య హృదయం చదివితే మంచిది.

#కర్కాటకం లాభదాయకమైన ఫలితాలు సొంతం అవుతాయి. బంధుమిత్రులతో సఖ్యత ఏర్పడుతుంది. సమాజంలో గౌరవ మర్యాదలు పెరుగుతాయి. ఒక వార్త మనోధైర్యాన్ని పెంచుతుంది. శివ సందర్శనం మేలు చేస్తుంది.

శ్రమకు తగ్గ ఫలితాలు సిద్ధిస్తాయి. సంపూర్ణ ఆత్మవిశ్వాసంతో చేసే పనులు విజయవంతమవుతాయి. ముఖ్య వ్యవహారాల్లో తెలివిగా వ్యవహరిస్తే మంచి ఫలితాలు అందుకుంటారు. ఒక ముఖ్యమైన సమస్య పరిష్కారమవుతుంది. మొదలుపెట్టే పనుల్లో ఆటంకాలు ఎదురైనా అధిగమించే ప్రయత్నం చేస్తారు. ముఖ్య వ్యవహారంలో పెద్దలను కలుస్తారు. నిర్ణయం మీకు అనుకూలంగా రాకపోవచ్చు. కీలకమైన పనులను కొన్నాళ్లు వాయిదా వేయడమే మంచిది. ఆరోగ్య సమస్యలు తలెత్తకుండా చూసుకోవాలి. అనవసర ఖర్చులు జరిగే అవకాశాలు ఉన్నాయి. వృథా ప్రయాణాలు చేస్తారు. ఇష్టదైవ ఆరాధన శుభప్రదం.

#సింహం సంతోషకరంగా కాలాన్ని గడుపుతారు. కొన్ని కీలక నిర్ణయాలు తీసుకోవడంలో చంచలంగా వ్యవహరిస్తారు. ఆత్మీయుల సూచనలు పనిచేస్తాయి.ఇతరులకు మేలు చేయాలనే ఆలోచన మిమ్మల్ని గొప్పవారిని చేస్తుంది. విష్ణు ఆరాధన వ‌ల్ల మంచి జ‌రుగుతుంది.

మీమీ రంగాల్లో మీ ప్రతిభకు పనితీరుకు ప్రశంసలు లభిస్తాయి. భవిష్యత్తుకు సంబంధించిన కీలక నిర్ణయాలు తీసుకుంటారు. ఒక శుభవార్త మీ ఇంట్లో ఆనందాన్ని నింపుతాయి. విందు, వినోద కార్యక్రమాల్లో పాల్గొంటారు. ఒక శుభవార్త మీ ఆత్మవిశ్వాసాన్నిపెంచుతుంది. దగ్గరివారితో విభేదాలు రాకుండా చూసుకోవాలి. వారాంతంలో సంతోషకరమైన వార్తలు వింటారు. శని శ్లోకం చదివితే మంచిది.

#కన్య చేపట్టిన పనులను ప్రణాళికాబద్ధంగా పూర్తి చేసి అందరి ప్రశంసలు అందుకుంటారు. స్వస్థానప్రాప్తి సూచనలు ఉన్నాయి. విందు, వినోద కార్యక్రమాలలో పాల్గొంటారు. హనుమాన్ సందర్శనం శుభప్రదం.

విజయసిద్ధి ఉన్నది. చక్కటి ప్రణాళికతో అనుకున్నది సాధిస్తారు. అభివృద్ధికి సంబంధించిన శుభవార్త వింటారు.మానసికంగా ఉల్లాసంగా ఉత్సాహంగా ఉంటారు. సరైన సమయంలో బుద్ధిబలం బాగా పనిచేస్తుంది. ప్రారంభించిన పనుల్లో చిన్నచిన్న ఆటంకాలు ఎదురైనప్పటికీ అధిగమిస్తారు. బంధుమిత్రులతో సంతోషంగా గడుపుతారు. గిట్టనివారితో జాగ్రత్తగా ఉండటం మంచిది. స్థానచలన సూచనలు కనిపిస్తున్నాయి. లక్ష్మీస్తుతి మంచినిస్తుంది.

#తుల‌ కీలక విషయాల్లో తోటివారి సలహాలు తీసుకోవడం ఉత్తమం. మొహమాటంతో నష్టపోకుండా జాగ్రత్త పడండి. కుటుంబసభ్యులతో అభిప్రాయ బేధాలు రాకుండా చూసుకోవాలి. ఆరోగ్య పరిరక్షణ అవసరం. ఈశ్వర దర్శనం శుభప్రదం.

మీమీ రంగాల్లో శుభ పరిణామాలు చోటుచేసుకుంటాయి. శ్రమకు తగిన ఫలితం లభిస్తుంది. సమాజంలో మంచిపేరు సంపాదిస్తారు. శుభకార్యాల్లో పాల్గొంటారు. మీ చుట్టూ స్నేహపూర్వక వాతావరణం ఉంటుంది. అధికారుల సహకారం ఉంటుంది. ఆరోగ్యంపై శ్రద్ధ అవసరం. మనోబలం తగ్గకుండా చూసుకోవాలి. మంచి దృక్పథంతో ముందుకుసాగండి సమస్యలు తగ్గుతాయి. దగ్గరివారితో జాగ్రత్త వ్యవహరించండి. మహా లక్ష్మీ సందర్శనం శుభప్రదం.

#వృశ్చికం తోటివారి సహకారం ఉంటుంది. శత్రువులపై విజయం సాధిస్తారు. భోజన సౌఖ్యం ఉంది. కొందరి ప్రవర్తన మీ మనసును చికాకు పరుస్తుంది. వాదనలకు దూరంగా ఉండటం మంచిది. శని ధ్యానం శక్తిని ఇస్తుంది.

మీలోని ప్రతిభతో విజయాన్ని సాధిస్తారు. కాలాన్ని కేవలం అభివృద్ధి కొరకే వెచ్చించండి. మంచి శుభయోగాలున్నాయి. వ్యాపారంలో అనూహ్యమైన లాభాలు సొంతమవుతాయి. తోటి వారి ఆదరాభిమానాలుంటాయి. మిత్రుల సంఖ్య పెరుగుతుంది. ఆర్థిక అభివృద్ధి ఉంది. ఇంట్లో శుభపరిణామాలు చోటుచేసుకుంటాయి. కుటుంబ వాతావరణం అనుకూలంగా ఉంటుంది. పెద్దల ఆశీర్వచనాలుంటాయి. ఆర్థిక లాభాలున్నాయి. లక్ష్మీధ్యానం శక్తినిస్తుంది.

#ధనుస్సు ధర్మమార్గంలో ముందుకు సాగి మంచి పేరు సంపాదిస్తారు. లక్ష్యాన్ని చేరుకునే వరకు పట్టు వదలకండి. ఇబ్బంది కలిగించే సంఘటనలకు దూరంగా ఉండటం మంచిది. దైవచింతనతో మనశ్శాంతి లభిస్తుంది. లక్ష్మీదేవి సందర్శనం ఉత్తమం.

    
     మిశ్రమకాలం. ఎంత శ్రమిస్తే అంత ఫలితం వస్తుంది . దైవబలం రక్షిస్తోంది. కీలక విషయాల్లో బాగా ఆలోచించి నిర్ణయాలు తీసుకోండి. రుణ సమస్యలు తగ్గుతాయి. కలహ సూచన. కొన్ని సందర్భాల్లో అహంభావం లేకుండా ఒక మెట్టుదిగి వ్యవహరించడం మేలు. సమయపాలన పాటించండి. ఆరోగ్యంపై అశ్రద్ధ వద్దు. కుటుంబ సభ్యుల మాటలకు గౌరవం ఇస్తూ ముందుకెళ్ళండి మంచి జరుగుతుంది. ప్రయాణాల్లో ఇబ్బందులు ఎదురవకుండా ముందుచూపుతో వ్యవహరించాలి. లింగాష్టకం చదవడం ఉత్తమం.

#మకరం మిశ్రమకాలం. బాధ్యతలను గుర్తెరిగి ముందుకు సాగాలి. మనోబలంతో పనులను పూర్తిచేస్తారు. బంధుమిత్రులను కలుస్తారు. తోటివారిని కలుపుకొనిపోవడం ద్వారా పనులు త్వరగా పూర్తవుతాయి. చంద్ర శ్లోకం చదవడం ఉత్త‌మం.

మధ్యమ ఫలితాలున్నాయి. మొదలుపెట్టిన పనులను వాయిదా వేయకండి. బద్దకాన్ని దరిచేరనీయకండి. భవిష్యత్తుని దృష్టిలో పెట్టుకుని ముందుకు సాగండి. కొన్ని సందర్భాల్లో లౌక్యంగా వ్యవహరించి సమస్యలను అధిగ‌మిస్తారు. తోటి వారిని కలుపుకు పోవడంవల్ల‌ పనులు తొందరగా పూర్తవుతాయి. గిట్టనివారితో జాగ్రత్తగా వ్యవహరించాలి ఆదాయానికి తగ్గ ఖర్చులుంటాయి. ఎవ్వరితోనూ వాదోపవాదాలు వద్దు. ప్రయాణాల్లో జాగ్రత్త అవసరం. ఈశ్వర సందర్శనం శుభప్రదం.

#కుంభం సమయాన్ని అభివృద్ధి కోసం వినియోగించండి. అనవసర విషయాల మీద ఎక్కువ సమయాన్ని వెచ్చించకండి. దైవబలాన్ని పెంచుకుంటే ఉత్తమ భవిష్యత్తు లభిస్తుంది. సూర్య నమస్కారాలు ఆత్మవిశ్వాసాన్ని పెంచుతాయి.

తలపెట్టిన కార్యాల్లో అదృష్టం వరిస్తుంది. తోటివారి సహాయ సహకారాలున్నాయి. అవసరాలను దృష్టిలో పెట్టుకుని ముందుకు సాగితే అనుకూలత పెరుగుతుంది. ఒక శుభవార్త ఉత్సాహాన్నిస్తుంది. అభివృద్ధికి తోడ్పడే నిర్ణయాలు తీసుకునేటప్పుడు స్థిర చిత్తంతో వ్యవహరిస్తే శుభం చేకూరుతుంది. విందు, వినోద కార్యక్రమాల్లో పాల్గొంటారు. దైవబలం రక్షిస్తోంది. వ్యాపారంలో అవగాహన లోపం లేకుండా చూసుకోవాలి. ఆరోగ్యం సహకరిస్తుంది. ప్రయాణ అనుకూలత ఉంది. శ్రీ వెంకటేశ్వర సందర్శనం శుభప్రదం.

#మీనం కుటుంబ సహకారం ఉంది. కీలక వ్యవహారాల్లో పెద్దల సహకారం అందుతుంది. మిత్రబలం పెరుగుతుంది.అర్థలాభం ఉంది. శివారాధన మంచి ఫలితాలను ఇస్తుంది.

మంచి ఆలోచనలతో ధైర్యంగా ముందుకు సాగండి మంచి ఫలితాలు వస్తాయి. రెట్టించిన ఉత్సాహంతో పనిచేయాలి. సమర్థ‌తను పెంచాలి. సమస్యల పరిష్కారానికి కార్యాచరణ రూపొందించి సత్ఫలితాలను పొందుతారు. సమన్వయ లోపం లేకుండా చూసుకోవాలి. ఆవేశంతో నిర్ణయాలు తీసుకోరాదు. నూతన కార్యాలు ప్రారంభించే ముందు సాధ్యసాధ్యాలను దృష్టిలో పెట్టుకోవాలి. ఇబ్బంది పెట్టే వారితో జాగ్రత్త. మాట విలువను కాపాడుకోవాలి. కుటుంబ సభ్యుల సలహాలు మంచి చేస్తాయి. ఆరోగ్య రక్షణ అవసరం. ఖర్చులు పెరుగుతాయి. ప్రయాణాల్లో జాగ్రత్త. శుభఫలితాలు పొందడానికి నవగ్రహ సందర్శనం ఉత్తమం ఫలితాలను ఇస్తుంది.

కొండవీడు కోట | Kondaveedu Fort | GRANTHANIDHI | MOHANPUBLICATIONS | bhaktipustakalu

హిమాలయాలు కాదు, తిరుమల కాదు... 

ఈ ఘాట్ రోడ్ మన గుంటూరులో...

    కొండవీడు కోటకు ఎంత చారిత్రక నేపధ్యం ఉందో అందరికీ తెలిసిందే. మన ప్రాచీన చరిత్ర, సంపదలకు నిలువెత్తు సాక్ష్యం ఈ కొండవీడు కోట. 1700 అడుగుల ఈ కొండ శత్రు దుర్భేద్యంగా ప్రసిద్ధి చెందింది. కొండవీడును శతృ దుర్బేధ్యమైన రాజ్యంగా తీర్చిదిద్దడమేగాకుండా, ప్రజాకాంక్ష పాలనను కొనసాగించిన ఘనత రెడ్డిరాజులది. వారు కొండవీడుకోటను రాజధానిగా చేసుకుని క్రీ.శ. 1325 నుంచి 1420 వరకు పరిపాలించారు. 

     ప్రపంచ పర్యాటక కేంద్రంగా కొండవీడు కోటను తీర్చిదిద్దేందుకు ప్రభుత్వం కృషి చేస్తోంది. 2007లో ఘాట్‌రోడ్‌ నిర్మాణానికి అప్పటి ప్రభుత్వం ఉత్తర్వులు జారీ చేసింది. కాని ఎవరూ పట్టించుకోలేదు, అవి కాగితాలకే మిగిలిపోయాయి. చంద్రబాబు ప్రభుత్వం వచ్చిన తరువాత 2015లో ఘాట్‌ రోడ్డు నిర్మాణ పనులు ప్రారంభయ్యాయి. ఇప్పుడు పనులు దాదాపుగా అయిపోయాయి.

     గుంటూరు నగర గొప్ప చారిత్ర లో భాగం ఈ కొండవీడు ఫోర్ట్. నగరనికి 12 మైళ్ళ దూరం లోని శివార్లలో ఉన్న ఈ ప్రదేశానికి చక్కటి రోడ్డు మార్గాలు ఉన్నాయి. 14 వ శతాబ్దం లో రెడ్డి రాజుల పాలనలో ఈ చారిత్రిక కట్టడాన్ని నిర్మించారు. ఈ ఫోర్ట్ లో 21 నిర్మాణాలు ఉన్నాయి. ఈ నిర్మాణాలు చాలా శాతం శిధిలం అయినప్పటికీ ఈ కోట రహస్యాల గురించి చెప్పకనే చెపుతాయి. ఈ ఫోర్ట్ ని కట్టిన సుందర ప్రదేశ అందాలను చూసి ఆనందించటానికి చాలా మంది పర్యాటకులు ఇక్కడికి వస్తారు. అంతే కాక ఈ ప్రదేశం ట్రెక్కింగ్ ఇంకా హైకింగ్ కి అనువుగా ఉంటుంది. గోపినాథ టెంపుల్ మరియు కత్తులబావి టెంపుల్ ఈ ఫోర్ట్ కి చాల ఈ దగ్గర గా ఉన్న దేవాలయాలు. 

    ఈ దేవాలయాలు ఇతర అనేక దేవాలయాల దారిలో ఉన్నాయి. ఈ కోటకు చేరే దారి ముఖద్వారం , ఈ కోటని నిర్మించిన కొండ దిగువ భాగాన ఉంటుంది. ఈ దారితోబాటు , ఈ కోట నివాస సౌధాలు ఇంకా ఇక్కడి పెద్ద హాలు కుడా ఈ ప్రదేశ చరిత్రకి సాక్షాలు గా అనిపిస్తాయి. మనం ఈ రోజు కత్తులబావిగా చీకటికోనేరుగా, గోపీనాథ్ ఆలయంగా మరియు శివాలయంగా చెప్పుకునే ఆ దేవాలయం యొక్క శిల్ప సౌందర్యం గురించి ఈ వ్యాసంలో తెలుసుకుందాం. 

     1. ఎక్కడ వుంది? ఇది ప్రపంచ పర్యాతకకేంద్రంగా మారబోతున్న కొండవీడు ఫోర్ట్ లో వుంది. ఇది గుంటూరుకు 24 కి.మీ ల దూరంలో వుంది. ఫిరంగి పురం నుండి ఖచ్చితంగా 5 కి.మీ ల దూరంలో వుంటుంది. 

2. ఈ గుడికి చాలా పేర్లు వున్నాయి గోపీనాథ్ ఆలయం అనీ, కత్తులబావి అనీ మరియు చీకటికోనేరు అనీ మరియు శివాలయం అనీ స్థానికులు పిలుస్తారు. 

3. నిర్మాణం ఇది ఎప్పుడు నిర్మాణం జరిగిందో చరిత్రలో లిఖితపూర్వక ఆధారాలు లేనప్పటికీ ఇది 14వ శతాబ్దంలో రెడ్డి రాజుల నిర్మాణంలో జరిగిందని కొంత మంది 16 వ శతాబ్దంలో విజయనగర సామ్రాజ్య సమయంలో నిర్మాణం జరిగింది అని కొంతమంది చెప్పుకుంటారు. 

4. శిల్పకళ ఈ గుడి పై శిల్పకళ చాలా అద్భుతంగా వుంటుంది. ఈ దేవాలయం గోడలపై కొన్ని దేవతల శిల్పాలు వుంటాయి. ఆనాటి శిల్పులు ఆ శిల్పాలను ఎంతో శ్రద్ధతో చెక్కినట్లు మనకి కనిపిస్తాయి. 

5. ఈ దేవాలయానికి కత్తులబావి అని ఎందుకు పేరు వచ్చిందంటే రెడ్డిరాజులు కత్తుల బావి ద్వారా కుట్రతో చంపబడ్డారు అని స్థానికులు చెప్పుకుంటారు. 

6. ఆశ్చర్యపరిచే దేవాలయ నిర్మాణం ఈ దేవాలయ నిర్మాణం అందరినీ ఆశ్చర్యపరుస్తుంది. ఈ దేవాలయం చూడటానికి చాలా మంది టూరిస్టులు వస్తున్నారు. 

7. పురాతన గొప్ప శిల్పసంపద పురాతన గొప్ప శిల్పసంపదలో మన ఇండియాలో చాలా గుడులు వున్నాయి.అందులో ఈ గోపీనాథ్ ఆలయానికి ప్రత్యేక స్థానం వుంది అనటంలో ఆశ్చర్యమేమీలేదు.

 8. రెడ్డి రాజులు రెడ్డి రాజులకాలంలో కుమార గిరి పాలనలోని గొప్ప రాజ నర్తకి లకుమాభాయి ఈ దేవాలయంలో నాట్యం చేసినట్లు చెప్పుకుంటారు. 

9. శిలా శాసనాల ఆధారాలు ఆనాటి శిలా శాసనాల ఆధారాలు మనకి ఈ దేవాలయంలో కనిపిస్తాయి. 

10. పర్యాటకుల ఆకర్షణ ఈ దేవాలయం చూసినవాళ్ళు అక్కడ నుంచి రానంతగా పర్యాటకులను ఈ దేవాలయం ఆకర్షిస్తుంది.

 11. దేవాలయ సంరక్షణ ఈ దేవాలయాన్ని సంరక్షించి మరమ్మత్తులు చేయటం ద్వారా మన చరిత్రను కాపాడుకున్నవాళ్ళం అవుతాము.

 12. రమణీయ వాతావరణం ఈ దేవాలయం ఎదురుగా కొండలతో పర్యాటకులను ఆకర్షిస్తుంది.ఇక్కడ వాతావరణం ఆహ్లాదంగా మరియు దగ్గరలో కొండవీడు బురుజును చూట్టానికి చాలా రమణీయంగా వుంటాయి. 

13. యాగశాల ఈ దేవాలయం ఎదురు ఒక దీపపు స్థంభం వుంది మరియు గుడి ఎదురు ఒక యాగశాల వుంది.ఇక్కడ యాగాలు చేసారు అనటానికి ఇక్కడ కనపడేదే సాక్ష్యం. 

14. దుండగులు కొందరు దుండగుల కారణంగా ఈ దేవాలయం శిథిలావస్థకు చేరుకుంది. 

15.భావితరాల వారు మన భావితరాల వారికి ఈ శిల్ప సంపద గొప్పతనాన్ని తెలియజేసిన వాళ్ళమవుతాము. 

16. ఇక్కడికి దగ్గరగా చూడవలసిన ప్రదేశాలు కోటప్ప కొండ గుంటూరు నగరానికి సుమారు 40 కిలోమీటర్ల దూరంలో, నైరుతి దిక్కున ఉన్నది కోటప్పకొండ. నరసరావుపెట కి దగ్గరలో ఉన్న ఈ ప్రదేశానికి రోడ్డు ద్వారా చేరుకోవచ్చు.ఈ గ్రామము మొదట కొండకావూరు అని పిలవబడేది , తర్వాత కోటప్పకొండ గా మారింది. కోటప్పకొండ కి త్రికూట పర్వతం అనే మరో పేరుకూడా ఉన్నది. దీనికి కారణం ఈ గ్రామానికి దగ్గరలో ఉన్న మూడు శిఖరాలు. 

17. ప్రకాశం బారేజ్ గుంటూరు, విజయవాడ అలాగే పరిసర ప్రాంతాల రైతుల పొలాలకి ప్రధాన నీటి పారుదల వనరు గా ఈ ప్రకాశం బారేజ్ ని పేర్కొనవచ్చు. నిజానికి, ఈ బారేజ్ కి ఆంధ్రప్రదేశ్ రాష్ట్రం ఆర్ధిక వ్యవ్యస్త ఎక్కువగా వ్యవసాయం మీద ఆధార పది ఉండడం వల్ల ఈ బారేజ్ కి ఆంధ్రప్రదేశ్ రాష్ట్రం మొత్తం రుణపడి ఉంది. ఈ బారేజ్ నిర్మాణం వల్ల ఈ చుట్టు పక్కల ప్రాంతాల్లో ఏర్పడిన అందమైన సరస్సులు ఎంతో మంది పర్యాటకులని అమితంగా ఆకర్షిస్తున్నాయి. 

18. ఉప్పలపాడు నేచర్ కన్సర్వేషన్ గుంటూరు నగర శివారు కి నాలుగు కిలోమీటర్ల దూరంలో దక్షిణ ప్రాంతంలో ఈ ఉప్పలపాడు నేచర్ కన్సర్వేషన్ ఉంది. వాటర్ ట్యాంక్ ల కి ప్రసిద్ద మయిన ఈ ప్రాంతం ఎన్నో పెద్ద సంఖ్యలో వలస పక్షులని ఆకర్షిస్తోంది. అద్భుతమైన, అరుదైన అంతర్జాతీయ జాతులకి ఈ ప్రాంతం స్థావరం. 

19. ఉప్పలపాడు నేచర్ కన్సర్వేషన్ స్పాట్ బిలేడ్ పెలికాన్స్ అలాగే పెయింటెడ్ స్తార్క్స్ వంటివి ఇక్కడ కనిపిస్తాయి. ఇంతకు పూర్వం ఈ ప్రాంతానికి దాదాపు 12000 పక్షులు సందర్శించేవి. ఇప్పుడు వాటి సంఖ్యా 7000 లకి పడిపోయింది. గ్లోబల్ వార్మింగ్ వంటి కొన్ని కారణాల వల్ల ఈ సంఖ్య తగ్గిపోయిందని భావించవచ్చు. 

20. ఉప్పలపాడు నేచర్ కన్సర్వేషన్ అయినా, ప్రతి సంవత్సరానికి ఇక్కడికి విచ్చేసే పర్యాటకుల సంఖ్య్హ మాత్రం తగ్గలేదు. పక్షి ప్రేమికులు ఈ ప్రాంతంలో కనిపించే అరుదైన పక్షుల కోసం వస్తారు. మార్చ్ నుండి ఏప్రిల్ వరకు ఉప్పలపాడు నేచర్ కన్సర్వేషన్ పార్క్ ని సందర్శించేందుకు అనువైన సమయం. ఎందుకంటే, ఈ సమయంలోనే అరుదైన వలస పక్షులు కనువిందు చేస్తాయి. 

21. మంగళగిరి ఆంధ్ర ప్రదేశ్ లో ఉన్న గుంటూరు జిల్లాలో ఉన్న ఈ మంగళగిరి ఒక చిన్న గ్రామం. ఈ గ్రామం గుంటూరు నగరం నుండి 21 కిలోమీటర్ల దూరంలో ఉంది. ఈ ప్రాంతం గుంటూరు అలాగే విజయవాడ ప్రాంతాల కి ఒక ప్రధాన పర్యాటక మజిలీ. 'మంగళగిరి' అంటే అర్ధం పవిత్రమైన కొండ. నూలు వస్త్రాలకి అలాగే ఎన్నో ఆలయాలకి ఈ మంగళగిరి ప్రాంతం ప్రసిద్ది.

 22. మంగళగిరి ప్రఖ్యాతమైన లక్ష్మీ నారాయణ స్వామి ఆలయం ఈ గ్రామం లో నే ఉంది. ఏంతో మంది భక్తులు స్వామీ వారి దర్శనార్ధం ఈ ఆలయానికి విచ్చేస్తూ ఉంటారు. ఒక కొండపైన ఈ ఆలయాన్ని నిర్మించారు. కొన్ని సంవత్సరాల క్రితం ఈ కొండ ఒక అగ్ని పర్వతం గా ఉండేది. సముద్ర మట్టం నుండి 30 అడుగుల ఎత్తులో ఈ ఆలయం ఉంది. స్వామి వారికీ పానకాన్ని నైవేద్యంగా అర్పిస్తారు. 

23. ఎలా చేరాలి? హైదరాబాద్ నుండి కొండవీడు ఫోర్ట్ కి నల్గొండ మీదుగా నైతే 5 గంటల 28నిలు పడుతుంది. 

24. విజయవాడ మీదుగా సూర్యాపేట, విజయవాడ మీదుగానైతే 6 గంల 16ని లు పడుతుంది. మీరు మధ్యలో విజయవాడలో దిగి కనకదుర్గమ్మను కూడా దర్శించుకోవచ్చును.  MORE.....

ప్రశ్న సింధు | Prashna Sindhu | GRANTHANIDHI | MOHANPUBLICATIONS | bhaktipustakalu

ప్రశ్న సింధు 

 Prashna Sindhu 

- N. Suryanarayana Chary

Rs 108/- 

     ఫలిత జ్యోతీశ శాస్త్రములో జాతక, తాజక, ప్రశ్న, శాకున, సాముద్రికాద్యనేక భాగములు అంతర్గతములైయున్నవి. వీటన్నింటిలో ప్రశ్నశాస్త్రమునకు ప్రత్యేక ప్రాధాన్యత కలిగియున్నది. కారణమేమనగా తాజక, జాతక శాస్త్రదేశమంతయు కేవలం జన్మసమయము పైనే ఆధారపడియున్నది. అట్టి జన్మకాలము సరిగా లేనిచో ఈ శాస్త్రోపదేశమంతయు నిరుపయోగమగుచున్నందున జ్యోతిస్శాస్త్ర పండితులు జన్మకాలము సరిగానున్నదీ లేనిదీ విచారించిన పిదపనే ఫలాదేశమునకు గడంగుట ఎంతైనా ఆవశ్యకము. మరియు సాముద్రిక శాకునాది శాస్త్రముల యొక్క ఆధారముతో ఫలాదేశ వివేచన గూడ ఒక ప్రకారముగా అనుమాన జన్యమనియే తెలియుచున్నది. అందువలన కేవలము ప్రశ్నశాస్త్రమొక్కటే రుజువైన ఫలాదేశమునకు ఉత్తమ మార్గముగా మన ముందున్నది.

హెర్బల్ మెడిసిన్ - హెల్త్ టుడే | Herbal Medicine - Health Today | GRANTHANIDHI | MOHANPUBLICATIONS | bhaktipustakalu

హెర్బల్ మెడిసిన్ - హెల్త్ టుడే 

 Herbal Medicine - Health Today

Rs 108/-

హనుమదారాధన | GRANTHANIDHI | MOHANPUBLICATIONS | bhaktipustakalu

హనుమదారాధన 

 HanumaDaradhana

-Adipudi Sairam

Rs 108/-

     యీ మహాగ్రంథం ''శ్రీహనుమత్‌ సర్వస్వము''గా చెప్పాలి. శ్రీ స్వామివారు బహుముఖ ప్రజ్ఞా పాటవాలనీ యిందులో కానవస్తున్నాయి. ఎన్నో గ్రంథాలను పరిశోధించి పరిపూర్ణ హనుమ కథలను భక్తిజ్ఞాన వైరాగ్యాలను అందకోరికగల పాఠకులు, గురుముఖతాగాని, లేదా స్వయంగా గాని యీ గ్రంథాన్ని నిత్యమూ పారాయణ గావించి తరించుటకు మన పూర్వ పుణ్యంవలన మనకీ గ్రంథం లభించింది.

యీ గ్రంథం బహు భద్రముగా దాచుకొని ముందుగా గ్రంథాన్ని పూజించి పారాయణగావించి, శ్రీహనుమ కటాక్షంతో మహత్తర సత్ఫలాన్ని అందుదురుగాక! విలక్షణ ప్రతిభా సంపన్నుడగు శ్రీ సాయిరామ్‌ అందించాడు. యిలాగే వారి అద్వితీయ జ్ఞానాన్ని అన్నివిధాలా ప్రజలకు పంచి వారి కృతజ్ఞతలతోపాటు, శ్రీ హనుమద్బ్రహ్మ కటాక్షాన్ని సంపూర్ణంగా పొందాలని నా ఆకాంక్ష- విద్యారణ్యస్వామి

బ్రహ్మం గారి జీవితచరిత్ర (జవంగుల) పోతులూరి వీరబ్రహ్మేంద్రస్వామి | Brahmam Gari Jeevitha Charitra -Javangula | GRANTHANIDHI | MOHANPUBLICATIONS | bhaktipustakalu

బ్రహ్మం గారి జీవిత చరిత్ర

 -జవంగుల

 Brahmam Gari Jeevitha Charitra 

-Javangula Nagabhusana dasu

Rs 135/-

      పోతులూరి వీరబ్రహ్మేంద్రస్వామి ( 1608-1693) 17వ శతాబ్దములో కాలజ్ఞాన తత్వాలను బోధించిన యోగి, హేతువాది, సంఘ సంస్కర్త. సాక్షాత్ దైవ స్వరూపుడు. బ్రహ్మం గారు తన కాలజ్ఞానములో భవిష్యత్తు గురించి చెప్పిన చాలా విషయాలు నిజమయ్యాయి. తీర్థ యాత్రలు చేస్తున్నటువంటి విశ్వబ్రాహ్మణ పుణ్యదంపతులు పరిపూర్ణయాచార్యులు, ప్రకృతాంబలకు కాశీ పట్టణంలో జన్మించి, కర్ణాటక రాష్ట్రం, స్కందగిరి పర్వతసానువులో స్థితమైన పాపాగ్ని మఠ (ప్రస్తుతం ఇది చిక్‌బళ్లాపూర్ జిల్లా లోని కళవారహళ్లిలో ఉన్నది) అధిపతులు వీరభోజయాచార్య, వీరపాపమాంబలవద్ద పెరిగిన శ్రీవీరబ్రహ్మేంద్రస్వామి, వైఎస్ఆర్ కడప జిల్లా లోని కందిమల్లాయపల్లిలో చాలాకాలం నివసించి సజీవ సమాధి నిష్ఠనొందాడు. వీరబ్రహ్మము వలన ప్రసిధ్ది పొందుట చేత కందిమల్లాయపల్లె తర్వాతి కాలములో బ్రహ్మంగారిమఠంగా ప్రసిద్ధి చెందింది. ప్రపంచంలో ఏ వింత జరిగిన ఇది బ్రహ్మం గారు తన కాలజ్ఞానంలో ఆనాడే చెప్పారు అంటూ ప్రజలు గుర్తుకు తెచ్చుకుంటూ ఉంటారు. కాలజ్ఞానంలో చెప్పినవన్నీ పొల్లు పోకుండా ఇప్పటివరకు జరిగాయి. జరుగుతున్నాయి.

బ్రహ్మం గారు సాక్షాత్ దైవ స్వరూపుడు. రాబోయే కాలంలో జరగబోయే విపత్తుల గురించి తన కాలజ్ఞానంలో సుస్పష్టంగా వివరించి, జనులందరిని సన్మార్గంలో నడువమని బోధించిన మహిమాన్వితుడు. చరిత్రకారుల కాలజ్ఞాన పరిశోధన ఫలితంగా, బ్రహ్మం గారు చిన్నతనములోనే తల్లిదండ్రులను కోల్పోయి అత్రి మహాముని ఆశ్రమంలో చేరుకున్నారు. కర్ణాటక లోని పాపాఘ్ని మఠాధిపతి యనమదల వీరభోజయచార్యులు, సతీ సమేతంగా సంతాన భాగ్యం కోసం పుణ్యక్షేత్రాలు సందర్శిస్తూ అత్రి మహాముని ఆశ్రమం చేరుకుంటాడు. సంతాన ప్రా్తి కై పరితపిస్తున్న ఆ పుణ్య దంపతుల చెంతకు, దైవ స్వరూపులు అయిన బ్రహ్మం గారిని అత్రి మహాముని అందజేస్తాడు. వీరభోజయాచార్య, ఈ బాలుడు, మహిమాన్వితుడు, మునుముందు, ఈ బాలుడు ఎన్నో వింతలు చూపించబోతున్నాడు అంటూ ఆ బాలుని వీరభోజయాచార్య దంపతులకు అందజేస్తాడు.ఆ విధంగా బ్రహ్మం గారు పాపాఘ్ని మఠాధిపతి గారింట సనాతన సంప్రదాయాల నడుమ పెరుగుతూ వస్తాడు. (ఈనాడు కర్ణాటక లోని పాపాఘ్ని మఠం బ్రహ్మం గారి ప్రథమ మఠంగా పేరు గాంచి దివ్య క్షేత్రంగా వెలుగొందుతున్నది). అతి చిన్న వయసులోనే, బ్రహ్మం గారు కాళికాంబ పై సప్తశతి రచించి అందరిని అబ్బురపరుస్తాడు. బ్రహ్మం గారి పదవ ఏట వీరభోజయచార్యులు స్వర్గాస్తులవుతారు. అటు పిమ్మట దేశాటన నిమిత్తమై బయలుదేరబోతు తన తల్లి ఆశీర్వాదాలు కోరతాడు. అందుకు, వారి తల్లి, నాయన, వీరంభోట్లయ్య (బ్రహ్మం గారు చిన్న నాడు వీరంభోట్లయ్యగా పిలువబడ్డారు, పాపాఘ్ని ప్రస్తుత మఠాధిపతుల వద్ద దీనికి సంబంధించి శాసనాలు ఉన్నాయి), మఠాధిపత్యం స్వీకరించవలసిన నీవు ఇలా తల్లిని వదిలి పెట్టి దేశాటనకు బయల్దేరితే ఎలాగంటూ శోక సంద్రంలో మునిగి పోతుంది. అప్పుడు బ్రహ్మం గారు, తన తల్లి గారికి సృష్టి క్రమాన్ని వివరించాడు. స్త్రీ పురుషుల సంభోగం పవిత్ర కార్యమని, శుక్రశోణితంతో స్త్రీ గర్భ ధారణ గావించాక, గర్భం ధరించిన ప్రతి నెలలో, కడుపులో శిశువు ప్రాణం పోసే విధానాన్ని కళ్ళకు కట్టినట్టుగా వివరిస్తారు బ్రహ్మం గారు. ఆగామి, ప్రారబ్ధ, సంచిత కర్మ సిద్ధాంతము గురించి వివరించి ఆమెకు మాయ తెరను తొలగించి, లోక కళ్యాణ నిమిత్తమై దేశాటనకు బయల్దేరతారు బ్రహ్మం గారు.

కర్నూలు జిల్లాలొని బనగానపల్లె మండలంలో గరిమిరెడ్డి అచ్చమ్మ ఇంటిలో గోపాలకుడిగా ఉంటు, రవ్వలకొండలో కాలజ్ఞానం వ్రాశారు. ఆవుల చుట్టూ గిరి గీసి రవ్వల కొండలో కాలజ్ఞాన రచన గావించారు బ్రహ్మం గారు. ఒకరోజు మిగతా గోపాలకులు ఈ విషయాలన్నీ చూచి భయపడి పరుగు పరుగున, అచ్చమ్మ గారికి ఈ విషయాన్ని చేరవేస్తారు. మరుసటి రోజున యథావిధిగా ఆవులను తీసుకుని వెళ్లి చుట్టూ గిరి గీసి రవ్వలకొండలో కాలజ్ఞాన రచన గావిస్తూ ఉన్న బ్రహ్మం గారిని చూసి ఆశ్చర్య పోతుంది అచ్చమ్మ. (అచ్చమ్మ బ్రహ్మం గారిని దర్శించుకున్న రవ్వలకొండలో ఈనాడు సుందరమైన బ్రహ్మం గారి దేవాలయం ఉన్నది). బ్రహ్మం గారి మహిమ తెలుసుకున్న అచ్చమ్మ, ప్రుట్టు గుడ్డి వాడైన తన కొడుకు బ్రహ్మానంద రెడ్డికి చూపు ప్రసాదించమని ప్రార్థిస్తుంది. బ్రహ్మం గారు తన దివ్య దృష్టితో, బ్రహ్మానంద రెడ్డి గత జన్మ పాపాలను దర్శించి, అతనికి చూపు ప్రసాదించి, పాప నివృత్తి గావించారు. గుహలో కూర్చుని వ్రాసిన తాళపత్ర గ్రంథాలు మఠంలో నేటికీ భద్రంగా ఉన్నాయి. కాలజ్ఞానం వ్రాసిన తర్వాత బ్రహ్మంగారు కందిమల్లాయపల్లె చేరి వడ్రంగి వృత్తిచేస్తూ గడిపాడు. తనవద్దకు వచ్చినవారికి వేదాంతం వినిపిస్తూ కులమతాలకు అతీతంగా అంతా సమసమాజం బాటన నడవాలని బోధించాడు.

జననం

బ్రహ్మంగారి పూర్తి పేరు పోతులూరి వీరబ్రహ్మేంద్ర స్వామి. ఆయన తండ్రి పోతులూరి పరిపూర్ణయాచార్యులు మరియు తల్లి పోతులూరి ప్రకృతాంబలకు, క్రీస్తు శకం 1608 లో జన్మించాడు . ఆయనను పెంచిన తండ్రి పేరు వీర భోజయాచార్యులు మరియు పెంచిన తల్లి పేరు వీరపాపమాంబ. ఆయనకు చిన్న వయస్సులోనే విశేష జ్ఞానం లభించింది. ఎక్కువ ఆత్మచింతన మితభాషణం అలవడింది. ఆయన వీర భోజయాచార్యులు మరణానంతరం స్వయంగా జ్ఞాన సముపార్జన చేయాలని నిశ్చయించి తన ఎనిమిదవ ఏట దేశాటన కొరకు తల్లి అనుమతి కోరాడు. పుత్రుని మీద ఉన్న మమకారం కారణంగా ఆమె అనుమతిని నిరాకరించగా ఆమెను అనేక విధాలుగా అనునయించి జ్ఞానబోధ చేశాడు. ఆ సందర్భంలో ఆయన పిండోత్పత్తి, జీవి జన్మ రహస్యాలను తల్లికి చెప్పి అనుబంధాలు మోక్షానికి ఆటంకమని, వాటిని వదలమని తల్లికి హితవు చెప్పి ఆమె అనుమతి సంపాదించి దేశాటనకు బయలుదేరాడు.

తల్లికి చేసిన జ్ఞానబోధ

బ్రహ్మంగారికి ఆదిశంకరులు వలె దేశాటన ద్వారా జ్ఞాన సంపాదన చేసి, దానిని ప్రజల వద్దకు చేర్చడం అంటే మక్కువ ఎక్కువ. ఆయన తన మొదటి జ్ఞానబోధ తల్లితో ప్రారంభించాడు. శరీరం పాంచభౌతికమని ఆకాశం, గాలి, అగ్ని, పృధ్వి, నీరు అనే అయిదు అంశాలతో చేయబడిందని సమస్త ప్రకృతితో కన్ను, ముక్కు, చెవి, నోరు, చర్మము అనే జ్ఞానేంద్రియాలద్వారా సంబంధం ఏర్పరచుకొని జ్ఞానం సంపాదిస్తామని, వీటి ద్వారా 'నేను' అనే అహం జనిస్తుందని, ఆత్మ సాక్షిగా మాత్రమే ఉంటుందని, బుద్ధి జీవుని నడిపిస్తుందనీ, బుద్ధిని కర్మ నడిపిస్తుందని, దానిని తప్పించడం ఎవరికీ సాధ్యపడదనీ, ఈ విషయాన్ని గ్రహించి ఎవరు పరబ్రహ్మను ధ్యానిస్తారో వారు మోక్షాన్ని పొందుతారని బోధించి ఆమె వద్ద సెలవు తీసుకుని దేశాటనకు బయలుదేరాడు.

కాలజ్ఞానం పద్యాలు

శ్రీ వీరబ్రహ్మేంద్రస్వామి వారి విశ్వరూపం

శ్రీ వీరబ్రహ్మేంద్ర స్వాముల వారి కాలజ్ఞానము 

(ముక్తి మార్గము భక్తి మార్గము పుస్తకములో నుండి కొన్ని పద్యాలు)

వీరబ్రహ్మము యొక్క వేద వాక్యంబులు

ధరణిలో తప్పక జరిగేనయా

కలిమాయలో పడక నన్ను నమ్మియు మీరు

కడతేరు మార్గంబు వెతకండయా!

స్వయముగా వెలిగేటి శక్తి దేనికి లేదు

సర్వేశ్వరుని తప్ప తెలియండయా

సూర్యచంద్రాదులు, సర్వగ్రహంబులు

ఆ వెలుగుతో వెలుగుచున్నారయా!

అనంత విశ్వములో ఈ గోళమెంతరా?

ఇందులో వున్నట్టి నీశక్తి యెంతరా?

సర్వమును కాపాడు సర్వ శక్తిని నీవు,

శరణు బొందుటే నీదు ధర్మంబురా!

వచ్చింది తెలియదు పోయేది తెలియదు

మధ్యలో మనబ్రతుకు ఏమౌనో తెలియదు

ఏమి తెలియని జన్మ కెందుకుర గర్వంబు

అందరిని కాపాడు ఆధి పురుషుని నమ్ము!

నాది నాది యనుచు గర్వించి చెప్పేరు

తల్లి గర్భము నుండి ఏమి తెచ్చారు

ఆరు అడుగుల నేల అందరిని పూడ్చుటకు,

అదియును మీదని ఎవరు చెప్పారు?

సముద్రాలు పొంగేట్టు గాలులే కదిలేట్టు

చేసే మహా శక్తి మనిషిలోను ఉంది

నీలోని శక్తిని భక్తితో ధ్యానింప

ఆదైవ దర్శనము కలిగేనయా!

దానంబు చేయకే దరిద్రులయ్యేరు

దైవమును నిందింప ఫలమేమయ

పదుగురికి ధర్మంబు చేసిన పుణ్యమే

జన్మ జన్మకు వెంట వచ్చేనయా!

బాహ్యా విషయములకై పరుగెత్తినావంటె

యేడ్పించి నీపై స్వారి జేసేను

పరమాత్మ వైపున మనస్సు నిలిపావంటె

ప్రకృతే నీపాద సేవ జేసేను!

దైవ ధ్యానము కన్న మించినది లేదయ

అనంత శక్తులు అందులో ఉన్నాయి

అష్ట కష్టంబులకు, కఠిన రోగంబులకు

దివ్యౌషధంబని నమ్మండయ!

దైవ స్వరూపుడవు నీవేనురా

కోర్కెలతో మనిషివై పోయావురా

కొరగాని కోర్కెలను కట్టి పెట్టిన నీవు

కోదండ రాముడై వెలిసేవురా!

వల్లకాటికి పోవు ఒళ్ళు వస్త్రాలను

బహు శుచిగ కాపాడుకొనియేరయ!

తమవెంట వచ్చేది మనస్సు బుద్దనుమాట

యోచింపకుండనే బ్రతికేరయ!
free pdf

నయా కార్.. ఒక్కసారి ఛార్జింగ్ పెడితే 300 కి.మీ మైలేజ్.. | New Car

నయా కార్.. ఒక్కసారి ఛార్జింగ్ పెడితే 300 కి.మీ మైలేజ్..!

ఎవరితోనైనా పెట్టుకోవచ్చు కానీ.. కరెంటుతో మాత్రం పెట్టుకోకూడదు. మాడి మసైపోతారు! ఇన్నాళ్లూ పెరిగేది రూపాయి.. తగ్గేది పైసా అంటూ.. అదుపులేని ధరలతో విర్రవీగి.. వాహనదారులను మాడి మసి చేసిన పెట్రోలు, డీజిల్‌లకు.. ఇప్పుడు సరైనోడు తగిలాడు. ఫుల్లుగా ఛార్జి చేసి రోడ్డెక్కితే.. రయ్‌మని దూసుకెళ్లే ఆ కొత్త శక్తి.. విద్యుచ్ఛక్తి వాహనం. దేశంలోనే కాదు, ఆంధ్ర- తెలంగాణలోను ఎలక్ట్రిక్‌ వెహికల్స్‌ దుమ్మురేపుతున్నాయ్‌..

పక్కనున్న వ్యక్తి సిగరెట్‌ కాలుస్తుంటే.. కొరకొర చూస్తాం.. అసహనంతో ముక్కు మూసుకుంటాం. ఉఫ్‌..ఉఫ్‌మంటూ చేత్తో విసురుకుంటాం.. పొగ తాగే అలవాటు లేని వాళ్లను.. ఒక్క సిగరెట్టే ఉక్కిరిబిక్కిరి చేస్తుంది. అలాంటిది.. నిత్యం లక్ష సిగరెట్ల పొగ చుట్టుముడితే.. ఊపిరి పోయాల్సిన వాయువే ఆయువు తీస్తుంటే.. అవును.. హైదరాబాద్‌లో ఇరవై ఎనిమిది లక్షలు.. విజయవాడలో పది లక్షలు.. విశాఖపట్టణంలో ఏడు లక్షలు.. దేశవ్యాప్తంగా పాతిక కోట్లు.. అవన్నీ పేరుకే వాహనాలు.. కానీ, కోట్ల సిగరెట్లకు పెట్టు. ఆ లెక్కన... నగరజీవులు పీలుస్తున్న కాలుష్యం.. రోజుకు ఇరవై సిగరెట్లకు సమానం. ఢిల్లీలో అయితే 44 బీడీల దమ్ము కొట్టినంత ప్రమాదకరం. మురికి నీటినైనా ఫిల్టర్‌లో వడగట్టుకోవచ్చు.. పెట్రోలు కల్తీనీ కనిపెట్టవచ్చు.. ఆఖరికి రక్తాన్నీ శుద్ధి చేసుకోవచ్చు.. కానీ, గాలిని శుభ్రపరచలేం. కోట్లు ఖర్చుచేసినా స్వచ్ఛమైన శ్వాసను కొనలేం.. ఇప్పుడు - మన ప్రాణాలు గాలిలో దీపాలు.. ‘స్మోకింగ్‌ ఈజ్‌ ఇంజ్యూరియస్‌ టు హెల్త్‌’ సిగరెట్‌ పెట్టె మీద కాదు.. వాహనాల నెంబర్‌ ప్లేట్ల పైన రాయాల్సిన హెచ్చరిక.

ఎవరికైనా కోపమొస్తే బీపీ పెరుగుతుంది. ఆ మధ్యన ఒకపైసా పెట్రోలు ధర తగ్గించినందుకు.. దేశమంతా బీపీ పెరిగింది. షాంపూ షాచేల్లో పెట్రోలు, చుక్కల మందు సీసాల్లో డీజిలు పోసుకునే రోజుల్ని ఊహించుకుని నవ్వుకున్నారు. వాట్సాప్‌ జోకులతో ఆ కోపాన్ని చల్లార్చుకున్నారు. పెట్రోలు, డీజిల్‌ రేట్లు.. సెన్సెక్స్‌ను మించిపోయాయి. ఎప్పుడు పెరుగుతాయో, ఎప్పుడు తగ్గుతాయో ఊహించలేం. ముప్పయ్యేళ్ల కిందట ఎనిమిది రూపాయలున్న పెట్రోలు.. ఇప్పుడు ఎనభై రూపాయలు దాటింది. జనం డబ్బే కాదు.. దేశ సంపదంతా అరబ్బు దేశాలకు తరలిపోతోంది. గత ఏడాది మనం దిగుమతి చేసుకున్న క్రూడ్‌ ఆయిల్‌ విలువ.. అక్షరాలా ఐదు లక్షల కోట్ల రూపాయలు. ఈ మొత్తం - ఓ ఐదు రాష్ట్రాల బడ్జెట్‌ విలువంత!.

ఒక వైపు పొగ.. మరోవైపు దగా..

కాలుష్యానికి హ్యాండ్‌బ్రేక్‌ వేయాలి. ఇంధనభారం తగ్గించుకోవాలి. లేకపోతే మనుగడ లేదు. రవాణా రాంగ్‌రూట్‌లో వెళుతోంది. పొగలు కమ్మే కాలుష్యం.. యాక్సిడెంట్లకంటే ఘోరంగా చంపుతోంది. ఆటోమొబైల్‌ కంపెనీలన్నీ రాత్రింబవళ్లు శ్రమించాయి. పరిశోధన-అభివృద్ధి సంస్థలు శోధించాయి. ఆఖరికి - ఒకే దెబ్బకు రెండు పిట్టలు.. అన్నట్లు ప్రపంచానికి ఓ కొత్త అస్త్రం దొరికింది. ఆ అద్భుతం ‘ఎలక్ట్రిక్‌ వెహికల్‌’ (ఈవీ). మసితో మాసిపోతున్న తరానికి.. బల్బులు బద్దలయ్యే ఐడియా!

చైనాదే హవా..

ఒకప్పుడు కరెంటుకు కటకటలాడేవాళ్లం. పాలకులు కూడా కోతల నుంచి చేతల్లోకి వచ్చేశారు. ఇరవై నాలుగ్గంటల విద్యుత్‌ సరఫరా ఆశాజనకంగానే ఉంది. ఇప్పటికీ విద్యుత్‌ లేని పల్లెలు ఉన్నప్పటికీ.. సంపూర్ణ వెలుగులకు భారత్‌ ఎంతో దూరంలో లేదు. విద్యుచ్చక్తి ఉత్పత్తి కంపెనీల సంఖ్య పెరుగుతోంది. పెట్రోలు, డీజిల్‌, గ్యాస్‌ ధరలతో పోల్చితే, విద్యుత్‌ ఛార్జీలు అదుపులోనే ఉన్నాయి. రవాణాకు కరెంటుకంటే మంచి ఇంధనం లేదన్నది శాస్త్రవేత్తల ఆలోచన. ఖర్చు తక్కువ. కాలుష్యం లేదు.

ఎలక్ట్రిక్‌ కారును ఎప్పుడో కనిపెట్టినా.. రోడ్ల మీదికి తీసుకొచ్చేందుకు నూట ఎనభై ఏళ్లు పట్టింది. తొలి ఎలక్ట్రిక్‌ కారును 1837లోనే తయారుచేశారు. అప్పట్లో విద్యుత్‌ కొరత ఉండేది. ఇప్పుడు క్రూడ్‌ ఆయిల్‌ ధరలు విపరీతంగా పెరిగిపోతుండటంతో.. విద్యుత్‌వైపు మొగ్గు చూపాల్సిన సమయం వచ్చేసింది. దీనికితోడు ప్రపంచ నగరాలన్నీ కాలుష్య కోరల్లో చిక్కుకున్నాయి. కర్బన ఉద్గారాలను వెదజల్లని (జీరో ఎమిసన్‌) ఇంధనం తప్పనిసరైంది. అన్ని దేశాలూ కరెంటు కార్ల వైపు మొగ్గు చూపడానికి ఇదే కారణం. ఇంటర్నేషనల్‌ ఎనర్జీ ఏజెన్సీ అంచనా ప్రకారం రెండేళ్ల కిందట 75 లక్షల ఎలక్ట్రిక్‌ వాహనాలు అమ్ముడుపోయాయి. నార్వేలో అయితే 29 శాతం కరెంట్‌ కార్లే నడుస్తున్నాయిప్పుడు. నెదర్లాండ్‌, స్వీడన్‌, ఫ్రాన్స్‌, అమెరికా.. టాపగేర్‌లో వెళుతున్నాయి. ఎలక్ట్రిక్‌ వాహనాల్లో చైనా గ్లోబల్‌ లీడర్‌. ప్రపంచంలోని ఎలక్ట్రిక్‌ వాహనాల్లో 40 శాతం ఆ దేశంలోనే ఉన్నాయి. అతి పెద్ద కార్ల బ్యాటరీ ఉత్పత్తి సంస్థను నెలకొల్పేందుకూ చైనా సన్నాహాలు చేస్తోంది. ఇదే కనక విజయవంతం అయితే మొబైల్‌ విప్లవం తరువాత మరో కొత్త విప్లవానికి ఆ దేశం నాంది పలకనుంది. కరెంటు కార్ల విక్రయాల్లోనే ఆ పొరుగుదేశం హవా ఎంతగా ఉండ బోతోందంటే.. ‘ఈ రంగంలో వచ్చే ఏడేళ్లలో సగం వాటా దానిదే!’ అంటూ బ్లూమ్‌బర్గ్‌ ఎలక్ట్రిక్‌ వాహనాల నివేదిక స్పష్టం చేసింది.

ప్రయాణం.. పర్యావరణహితం కావాలి.. జీవం మనుగడకు ప్రాణవాయువును అందించే ప్రకృతికే పొగబెడితే..చేరాల్సిన గమ్యం.. అగమ్యగోచరం అవుతుంది. ‘సేఫ్‌జర్నీ’ కార్ల వెనక అద్దాల మీద రాసుకునే ఒట్టి ముచ్చట అవుతుంది.. ‘మీ స్టీరింగ్‌ను గ్రీన్‌జర్నీ వైపు తిప్పండి. లేకపోతే పొగకమ్మిన నగరాల ఉనికికే ప్రమాదం’ అంటున్న టెస్లా కార్ల ఉత్పత్తి సంస్థ యజమాని ఎలక్ట్రిక్‌ కార్ల ప్రాధాన్యాన్ని గట్టిగా చెబుతున్నారు. కనీసం సగం వాహనాలైనా కరెంటుతో నడిస్తే.. ‘ఈ నగరానికి ఏమైంది’ అని నిందించాల్సిన అవసరమే రాదు.

విద్యుత్‌ భారత్‌..

నువ్వు ముందా? నేను ముందా?

ఫార్ములావన్‌ రేసులా దూసుకెళుతోంది పోటీ ప్రపంచం. భవిష్యత్తును ముందే ఊహించి.. అవకాశాలను అందిపు చ్చుకున్నప్పుడే.. పోటీలో నిలబడతాం. ఐటీ రంగాన్ని తొలిదశలో చేజిక్కించుకున్న దేశాలే ఇప్పుడు ముందున్నాయి. ఎలక్ట్రిక్‌ వాహన రంగమూ అలాంటిదే! పలు దేశాలు ఆ పాలసీలనే చేస్తున్నాయి. భారమవుతున్న ముడి చమురు వ్యయాలను తగ్గించుకోవడం.. కాలుష్యం నుంచి బయటపడటం.. ఇవి రెండూ ఒకరి సమస్య కాదు. ప్రపంచ సమస్య. భారత్‌ కూడా అటువైపు అడుగులు వేయక తప్పడం లేదు. నీతి అయోగ్‌ ఒక డ్రాఫ్ట్‌ పాలసీని రూపొందించింది. 2030 నాటికి అన్నీ ఎలక్ట్రిక్‌ వాహనాలే ఉండాలన్నది కేంద్రప్రభుత్వ ఆలోచనగా పేర్కొంది. ఆ కల నెరవేరితే.. అరవై నాలుగు శాతం ఇంధన భారం, ముప్పయి ఏడు శాతం కర్బన ఉద్గారాలు తగ్గించుకున్న వాళ్లం అవుతాం. వాహన కొనుగోలుదారులకు కొన్ని ఊరించే ఆఫర్లను కూడా ఇచ్చేందుకు పూనుకుంది ప్రభుత్వం.

మన దేశంలో బ్యాటరీకార్ల ప్రవేశానికి ఎదురవుతున్న తొలి సమస్య- సరైన రీ ఛార్జి సదుపాయం లేకపోవడం. ఇప్పుడున్న సాంకేతిక పరిజ్ఞానాన్ని బట్టి.. ఒక ఎలక్ట్రిక్‌ కారుకు ఒకసారి ఛార్జి చేసుకుంటే సుమారు 150 నుంచి 200 కిలోమీటర్లు వెళ్లొచ్చు. మధ్యలో చార్జి అయిపోతే ఎక్కడపడితే అక్కడ పెట్రోలు బంకులున్నట్లు ఛార్జింగ్‌ సెంటర్లు లేవు. ఇప్పటికైతే దేశవ్యాప్తంగా కేవలం 353 చార్జింగ్‌ స్టేషన్లు ఉన్నట్లు గ్రాండ్‌ త్రోంటన్‌ నివేదిక చెబుతోంది. అందుకే ప్రభుత్వం ఒక ప్రతిపాదన రూపొందించింది. నగరాల్లో ప్రతి మూడు కిలోమీటర్లకు ఒకటి.. జాతీయరహదారుల్లో ప్రతి యాభై కిలోమీటర్లకు ఒక ఛార్జింగ్‌ స్టేషన్‌ ఏర్పాటు చేయబోతోంది. మరో మూడేళ్లలోపు ముప్పయి నుంచి నలభై వేల స్టేషన్లు వస్తున్నాయి. ప్రభుత్వ రంగ సంస్థలైన ఎన్‌టిపిసి, పవర్‌గ్రిడ్‌ కార్పొరేషన్‌, ఇండియన్‌ ఆయిల్‌ వంటి సంస్థల సహకారం తీసుకోనున్నారు. విద్యుత్‌కార్ల జాతీయ విధానాన్ని తొలుత అందిపుచ్చుకున్న రాష్ట్రం కర్ణాటక. ఈవీ (ఎలక్ట్రిక్‌ వెహికల్స్‌) పాలసీ చేసిన రాష్ట్రం కూడా అదే. బెంగళూరులో అత్యంత వేగవంతమైన తొలి చార్జింగ్‌ స్టేషన్‌ ఏర్పాటు చేసి దేశాన్ని ఆకర్షించింది.

ఈ రంగంలో స్టార్టప్‌లను ప్రోత్సహించేందుకు రీసెర్చ్‌ అండ్‌ ఇన్నొవేషన్‌ హబ్‌తోపాటు ఇన్‌క్యుబేషన్‌ సెంటర్‌ను కూడా ప్రారంభించింది. భారతప్రభుత్వం పదివేల విద్యుత్‌ వాహనాలకు ఆర్డర్‌ ఇచ్చింది. మొదటి దశలో ప్రభుత్వ కార్యాలయాలన్నిట్లోనూ ఎలక్ట్రిక్‌ వాహనాలే ఉండాలన్నది ఆలోచన. టాటా మోటర్స్‌, మహీంద్రా ఆ అవకాశాన్ని అందిపుచ్చుకున్నాయి. గత ఏడాది దేశ వ్యాప్తంగా సుమారు రెండు వేల కరెంటు కార్లు అమ్ముడుపోవడం రేపటి డిమాండుకు సూచిక. మహీంద్రా ఎప్పటి నుంచో ఈ కార్లను అమ్ముతోంది. ఈ మధ్యనే విడుదలైన అథేర్‌ స్కూటర్‌ వాహనదారులను ఆకట్టుకుంది. ఏడు అంగుళాల టచ్‌స్ర్కీన్‌, మొబైల్‌ కనెక్టివిటీ వంటి సదుపాయాలతో వచ్చిందీ ద్విచక్రవాహనం. కార్ల దిగ్గజం టెస్లా కూడా ఇండియాలో విద్యుత్‌కార్ల డిమాండ్‌ను పరిశీలిస్తోంది. హుందయ్‌, మారుతి, నిస్సాన్‌, మహీంద్ర, టాటా, హోండా, టయోటా వంటి ఆటోమొబైల్‌ సంస్థలన్నీ వచ్చే రెండు మూడేళ్లలో.. పాతిక మోడళ్లను తీసుకొచ్చేందుకు సన్నాహాలు చేస్తున్నాయి. ఇక, అద్దె కార్లు కూడా ఎలక్ట్రిక్‌ కార్లలోకి మారిపోతున్నాయి. నాగపూర్‌లో ‘ఓలా ఎలక్ట్రిక్‌ వెహికల్‌ ప్రాజెక్ట్‌’ను ఆ రాష్ట్ర ముఖ్యమంత్రి ప్రారంభించారు. క్యాబ్‌లు, ఎలక్ట్రిక్‌ ఆటోరిక్షాలు, బస్సులను అద్దెకు తిప్పనుందా కంపెనీ. బెంగళూరులో లిథియమ్‌ అర్బన్‌ టెక్నాలజీస్‌ అద్దె కార్లన్నీ ఎలక్ట్రిక్‌వే! అదే నగరానికి చెందిన భగీరథి గ్రూప్‌ కూడా మహీంద్రాతో ఒప్పందం పెట్టుకుని.. కరెంటు క్యాబ్‌లను అద్దెకు తిప్పుతోంది. సాధారణ కార్ల ధరలతో పోలిస్తే.. ఈ-కార్ల అద్దెలు చాలా తక్కువ. అందులోనూ పర్యావరణానికి హాని ఉండదు. ‘ఎన్విరాన్‌మెంటల్‌ పెర్ఫార్మెన్స్‌ ఇండెక్స్‌’లో 180 దేశాలకు గాను 171వ స్థానంలో ఉన్న భారత్‌ను.. పైకి తీసుకు రావాలంటే.. కరెంటు కార్లు పెరగక తప్పదు.

తెలుగు రాష్ట్రాల్లోనూ సందడి..

‘అమరావతిలో ఛార్జింగ్‌ స్టేషన్లు..’

‘తిరుపతిలో ఎలక్ట్రిక్‌ వాహనాలు..’

‘హైదరాబాద్‌ మెట్రో స్టేషన్‌లో విద్యుత్‌ వాహనాలు..’

‘తెలంగాణ రాజధానిలో కరెంటు బస్సుల తయారీ’

రేపటి తరానికి పనికొచ్చే ఐడియాలను ఇతర రాష్ట్రాలు అందిపుచ్చుకుంటాయో లేదో కానీ.. రెండు తెలుగు రాష్ట్రాలు మాత్రం ముందు వరుసలో ఉంటాయనేందుకు.. ఈ వార్తా శీర్షికలే నిదర్శనం. ప్రపంచవ్యాప్తంగా కరెంటు కార్ల ప్రాధాన్యాన్ని ఆంధ్రప్రదేశ్‌, తెలంగాణలు ఎప్పుడో గుర్తించాయి. కొత్త రాజధాని అమరావతి నిర్మాణదశలో ఉండటంతో.. పనిలోపనిగా ఛార్జింగ్‌ స్టేషన్ల ఏర్పాటుకు శ్రీకారం చుట్టింది రాష్ట్ర ప్రభుత్వం. కొత్త సెక్రటేరియట్‌ పరిసర ప్రాంతాల్లో విద్యుత్‌ కార్లకు ఛార్జింగ్‌ స్టేషన్లను నెలకొల్పనుంది. రాజధాని నిర్మాణంలోనూ పర్యావరణానికి ప్రాధాన్యం ఇస్తున్న తరుణంలో.. వాహనాల నుంచి వెలువడే కర్బన ఉద్గారాలను తగ్గించేందుకు కృషి చేస్తోంది. విద్యుత్‌ వాహనాల వినియోగాన్ని పెంచేందుకు ‘ఎలక్ట్రిక్‌ మొబిలిటీ’ విధానాన్ని సైతం ప్రకటించింది. విద్యుత్‌ కార్లు, బ్యాటరీల తయారీ సంస్థలకు రాయితీలను ఇచ్చి, ప్రోత్సహిస్తోంది.

2023 నాటికి పదిలక్షల విద్యుత్‌ వాహనాలను లక్ష్యంగా పెట్టుకున్న తొలి రాష్ట్రం ఆంధ్రప్రదేశ్‌. వచ్చే ఐదేళ్లలో ఈ-వాహనాల రిజిస్ట్రేషన్‌ ఫీజులు, పన్నులు తిరిగి వాహనదారులకు చెల్లించే ప్రతిపాదన కూడా ఉంది. దక్షిణ కొరియా కార్ల సంస్థ కియా ఇప్పటికే అనంతపురం జిల్లాలో అతి పెద్ద ప్లాంటును ఏర్పాటు చేస్తోంది. పనులు చురుగ్గా సాగుతున్నాయి. ఇదే ప్లాంటు నుంచి.. 2021 నాటికి విద్యుత్‌, హైబ్రిడ్‌ కార్లు ఉత్పత్తి కానున్నాయి. భారత్‌లో తొలి లిథియం ఇయాన్‌ బ్యాటరీల తయారీ సంస్థ కూడా ఆంధ్రాలోనే ఏర్పాటు అవుతోంది. ఈ రికార్డుకు మరొక ఘనత జత కలిసింది. తిరుమల-తిరుపతి దేవస్థానంలో త్వరలోనే 350 విద్యుత్‌ వాహనాలు రానున్నాయి. ఒక పుణ్యక్షేత్రంలో ఇన్నేసి కరెంటు వాహనాలు రావడం ఇదే తొలిసారి. దశలవారీగా ప్రభుత్వ రవాణా వ్యవస్థను విద్యుత్‌ వాహనాలతో భర్తీ చేసే ప్రయత్నాలు జరుగుతున్నాయి. ఆ దిశగా మరో అడుగు - టయోటాతో ఒప్పందం. ఈ కంపెనీ అమరావతిలో కొన్ని ఎలక్ట్రిక్‌ వాహనాలను ప్రవేశపెట్టనుంది.

తెలంగాణ కూడా విద్యుత్‌ వాహనాలను ప్రవేశపెట్టడంలో దేశానికే ఆదర్శంగా నిలుస్తోంది. ఇటీవలే మెట్రో స్టేషన్లలో విద్యుత్‌ అద్దె వాహనాలను పరిచయం చేసింది. ఒక ప్రైవేటు కంపెనీతో కలిసి దేశంలోనే తొలి మెట్రో అద్దె కార్లను అందించిన ఘనత ఈ రాష్ట్రానికే దక్కుతుంది. అన్ని మెట్రో స్టేషన్లలోనూ ఛార్జింగ్‌ పాయింట్లు రానున్నాయి. తొలి దశలో సుమారు 64 స్టేషన్లలో విద్యుత్‌ కార్లకు ఛార్జింగ్‌ చేసుకునే సదుపాయం కలగనుంది. చైనా సంస్థ బిల్డ్‌ యువర్‌ డ్రీమ్స్‌ కూడా హైదరాబాద్‌లో ఎలక్ట్రిక్‌ బస్సుల్ని తయారుచేసేందుకు పూనుకుంది. మొదట సుమారు ఐదొందల బస్సులు ఉత్పత్తి కానున్నాయి. ఈ బస్సులకు ఒక్కసారి ఛార్జింగ్‌ చేసుకుంటే.. నాలుగు వందల కిలోమీటర్లు హాయిగా ప్రయాణించవచ్చు. ఆ చైనా సంస్థతో కలిసి హైదరాబాద్‌ కంపెనీ గోల్డ్‌స్టోన్‌ ఇన్‌ఫ్రాటెక్‌ కూడా ఐదువేల విద్యుత్‌ బస్సులను ఉత్పత్తి చేసేందుకు పూనుకుంది.

విద్యుత్‌ వాహనాలు పెరగాలంటే.. అటు సంస్థలకు, ఇటు వాహనదారులకు ప్రోత్సాహకాలు అందివ్వాలి. అపార్ట్‌మెంట్లు, షాపింగ్‌మాల్స్‌, మల్టీప్లెక్స్‌లు, జాతీయరహదారుల్లో విరివిగా ఛార్జింగ్‌ స్టేషన్లు రావాలి. కార్ల బ్యాటరీల ధరలు అందుబాటులో ఉండాలి. ఇవన్నీ సమకూరడానికి కొన్నేళ్లు పట్టొచ్చు. కానీ, విద్యుత్‌ కార్లను మాత్రం ఇక ఆపలేం. ఒకప్పుడు ఐటీ విప్లవం.. ఈ మధ్యన మొబైల్‌ సంచలనంలాగే.. రాబోయే ఉప్పెన ఎలక్ట్రిక్‌ వెహికల్‌. సెల్‌ఫోన్‌కు ఛార్జింగ్‌ పెట్టుకున్నంత సులువుగా కారును రీఛార్జి చేసుకోవచ్చు. పెట్రోలు బంకుల్లో మీటరువైపు చూడక్కర్లేదు. కాలుష్యం సమస్యే రాదు. రోడ్లన్నీ కరెంటు కార్లతో నిండిపోతే.. చుక్కలు చూపిస్తున్న పెట్రోలు, డీజిల్‌ ధరలకు అదో పెద్ద షాకే!!

కరెంటుకార్లలో గేర్‌బాక్స్‌, క్లచ్‌లు ఉండవు. డ్రైవింగ్‌కు భలే సౌఖ్యం.

పెట్రోలు కారుతో పోలిస్తే.. వీటితో ఏడాదికి రూ.70 వేల ఆదా.

పెట్రోలు కారు ఖర్చు కి.మీ.కు రూ.5.40. అదే కరెంటు కారుకు అయితే 0.80 పైసలు.

సాధారణ పెట్రోలు కారుకు గంట అద్దె రూ.130. అదే విద్యుత్‌ వాహనం అయితే కేవలం రూ.40.

మెట్రో స్టేషన్‌లో ఛార్జింగ్‌ సెంటర్లను పెట్టిన తొలి రాష్ట్రం తెలంగాణ. హైదరాబాద్‌లో ఇటీవలే ప్రారంభం.

ఈవీ కార్ల నమూనాకు తొలి రూపం ఇచ్చింది టెస్లా.

హైదరాబాద్‌లోని అన్ని మెట్రోస్టేషన్లలో ఎలక్ట్రిక్‌ కార్లకు ఛార్జింగ్‌ సదుపాయం.

గత ఏడాది భారత్‌లో 30.46 లక్షల పెట్రోలు, డీజిల్‌ కార్లు అమ్ముడుబోతే.. 2000 ఎలక్ట్రిక్‌ కార్లు కూడా కొన్నారు.

మన దేశంలో ఇప్పటి వరకు 353 ఛార్జింగ్‌ స్టేషన్లు మాత్రమే ఉన్నాయి.

ఎలక్ట్రిక్‌ వాహనాల ఉత్పత్తిలో కర్ణాటక ముందుంది. అక్కడ రూ.31 వేల కోట్ల పెట్టుబడులు, 55 వేల కొత్త ఉద్యోగాలు రానున్నాయ్‌.

కరెంటు వాహనాలతో కళకళలాడనున్న తొలి దివ్యక్షేత్రం తిరుపతి. త్వరలో అక్కడికి 350 వాహనాలు వస్తున్నాయి.

అనంతపురంలో ఏర్పాటైన కియా కంపెనీ ఏడాదికి 3 లక్షల కార్లను ఉత్పత్తి చేయనుంది. అందులో విద్యుత్‌ కార్లదీ అధిక వాటానే!.

కరెంటు కార్లలో చైనాను కొట్టే మొనగాడు లేడు. ఇప్పటికైతే అదే లీడర్‌.

విద్యుత్‌ కార్ల వల్ల 40 శాతం కాలుష్యం తగ్గుతుంది.

అద్దె కార్లన్నీ ఈవీ బాట పట్టనున్నాయ్‌.

పెట్రోలు కంటే డీజీల్‌ ఎస్‌యువి విడుదల చేసే కాలుష్యం 25 నుంచి 65 రెట్లు ఎక్కువ.

హుందయ్‌, మారుతి, మహీంద్ర, నిస్సాన్‌, ఆడి, టెస్లా, బెంజ్‌, టాటా.. తదితర కంపెనీలన్నీ ఈ రంగంలోకి వచ్చేశాయ్‌.

ఒక్కసారి ఛార్జింగ్‌ చేస్తే 150 నుంచి 300 కిలోమీటర్లు వెళ్లొచ్చు.

50 వేల కిలోమీటర్లు తిరిగాక బ్యాటరీ మార్చుకోవాలి. విద్యుత్‌ కార్లకు సర్వీసింగ్‌, మెయింటెనెస్స్‌ చాలా చౌక.

శబ్ద కాలుష్యం బాగా తగ్గుతుంది.

భారతీయ రహదారుల మీద మరో మూడేళ్లలో 25 మోడళ్ల విద్యుత్‌ కార్లు దౌడు తీస్తాయ్‌.

2030 నాటికి డీజిల్‌, పెట్రోలు కార్ల రిజిస్ట్రేషన్లు ఆపేస్తే మంచిదన్నది నీతి అయోగ్‌ సలహా.

రెండు గంటల్లోపే ఛార్జింగ్‌ చేసుకునే అత్యాధునికసాంకేతికత వస్తోంది.

జాతీయ రహదారుల్లో అయితే ప్రతి యాభై కిలోమీటర్లకు ఒక ఛార్జింగ్‌ స్టేషన్‌.

నగరాల్లో ప్రతి ఐదు కిలోమీటర్లకు ఒక ఛార్జింగ్‌ స్టేషన్‌.

ప్రపంచంలోని35 అత్యంత కాలుష్య నగరాలలో 19 మన దేశంలోనే ఉండటం విషాదం.

ఎలక్ట్రిక్‌ కారును కనుగొన్నది ఇప్పుడు కాదు. 1837లో.

ఇండియాలో ఇప్పటికే 4.5 లక్షల ఎలక్ట్రిక్‌ వాహనాలు (ఈవీ) తిరుగుతున్నాయంటే నమ్మగలరా?.

ఉచిత పార్కింగ్‌ లభిస్తుంది. టోల్‌ప్లాజా రుసుమూ ఉండకపోవచ్చు.

ఏమొస్తున్నాయ్‌?

ఒకప్పుడు విద్యుత్‌కారు ఊరించే కల. ఇప్పుడు పాతిక మోడళ్లు రెండు మూడేళ్లలో వచ్చేందుకు సిద్ధంగా ఉన్నాయి. మహీంద్రా, నిస్సాన్‌, హుందయ్‌, మారుతి, హోండా, రెనో, టాటా, టెస్లా... వరుసకట్టేందుకు సన్నాహాలు చేస్తున్నాయి. ఇప్పటికే మహీంద్రా విద్యుత్‌కార్ల ఉత్పత్తిలో ముందంజలో ఉంది. హ్యుందయ్‌ ‘కోన’, ‘అయొనిక్‌’, మహీంద్రా ‘ఈ-కెయువి 100’ సిద్ధమవుతున్నాయి. ఈ- వెరిటో, ఈ2వొ వచ్చేశాయ్‌. హోండా స్పోర్స్ట్‌ ఈవీ రానుంది. మారుతి ఈ-సర్‌వైవర్‌ పేరుతో జిప్సీని విడుదల చేయనుంది. నిస్సాన్‌ ‘లీప్‌’, టెస్లా ‘మోడల్‌3’, టాటా ‘టిగోర్‌ ఈవీ’, ‘నానో ఈవీ’లు కొత్తతరాన్ని ఆకట్టుకోనున్నాయి. రేనల్ట్‌ ‘ట్రేజర్‌’ కూడా ఇదే వరుసలో ఉంది. ఇవన్నీ ఒక్కసారి ఛార్జింగ్‌ చేసుకుంటే.. 150 నుంచి 300 కి.మీ.లు ప్రయాణించొచ్చు. ఎలక్ట్రిక్‌ ఇంధనంతో నడిచే బస్సులకు కూడా మన దేశం ప్రాధాన్యం ఇస్తోంది. తొలిదశలో విద్యుత్‌ బస్సులే అధికంగా వచ్చే అవకాశం ఉందని నిపుణులు చెబుతున్నారు.